عبدالله به هدف از تقویت اجماع منطقه ای به تاجکستان سفر کرد

عبدالله عبدالله، رییس شورای عالی مصالحه‌ی ملی در ادامه‌ی سفرهای منطقه‌ای خود، صبح امروز (دوشنبه، ۱ جدی) به تاجیکستان رفت. آقای عبدالله را در این سفر یک هیأت بلند رتبه‌ی دولتی همراهی می‌کند.

در اعلامیه‌ی سپیدار آمده است که آقای عبدالله برای جلب حمایت از تلاش‌های صلح و تقویت اجماع منطقه‌ای در حمایت از صلح به دعوت رسمی تاجیکستان،‌ عازم شهر دوشنبه، پایتخت آن کشور شده است.

در اعلامیه همچنان آمده است که آقای عبدالله در جریان این سفر قرار است با امام‌علی رحمان رییس‌جمهور، قاهر رسول‌زاده نخست‌وزیر، محمدطاهر ذاکرزاده رییس مجلس نمایندگان و سراج‌الدین مهرالدین وزیر خارجه‌ی جمهوری تاجیکستان دیدار کند.

به نقل از اعلامیه، در این دیدارها روی روند صلح افغانستان و چالش‌ها و فرصت‌های پیش‌رو در این زمینه بحث و گفت‌وگو خواهد شد.

سفر عبدالله به تاجیکستان درحالی صورت می‌گیرد که او پیش از این نیز برای برای جلب حمایت های منطقه از روند صلح افغانستان، به پاکستان، ایران، هند، ازبیکستان و ترکیه نیز سفر و با مقام‌های این کشورها درباره‌ی تلاش‌های صلح دیدار و گفت‌وگو کرده بود.