افغانستان و تاجیکستان پنج سند همکاری امضا کردند

 افغانستان و تاجیکستان پنج سند همکاری امضا کردند

بر اساس اعلام ارگ ریاست جمهوری، این تفاهم‌نامه‌های همکاری در بخش‌های سیاسی، امنیتی، اقتصادی، ترانسپورتی، ترانزیتی، انرژی و فرهنگی میان دو کشور به امضا رسیده است.

این خبرنامه علاوه کرده است که روسای جمهور دو کشور در پایان دایدارشان یک اعلامیه مشترکی نیز امضا کردند.

گفتنی است که رئیس‌جمهور غنی برای یک سفر دو روزه جهت اشتراک و سخنرانی در نهمین نشست وزرای خارجه کشورهای عضو قلب آسیا-روند استانبول به تاجیکستان رفته است.

آقای غنی روز گذشته علاوه از دیدار با امام‌علی رحمان، رئیس‌جمهور تاجیکستان، با قاهر رسول‌زاده، نخست‌وزیر و محمدطاهر ذاکرزاده، رئیس مجلس نمایندگان تاجیکستان نیز دیدار و گفت‌وگو کرد.

وی همچنان در دانشگاه ملی تاجیکستان نیز سخنرانی کرد، جایکه سند دکتورای افتخاری این دانشگاه به وی اهدا شد.